Bydd y dystysgrif arloesol hon yn apelio at unigolion graddedig sy’n gweithio yn y maes cynllunio iaith o fewn sefydliadau cyhoeddus Cymru neu mewn mudiadau trydydd sector yn y gymuned. Bydd yn rhoi sail gadarn i fyfyrwyr o ran deall prif gysyniadau cynllunio iaith a datblygiad y maes fel gweithgaredd proffesiynol dros y degawdau diweddar. Bydd y cwrs hefyd yn cynnig cyfle i unigolion gymhwyso’u dysgu i’w profiad a’u gwaith eu hunain.
Mae’r dysgu yn digwydd ar-lein trwy gyfuniad o seminarau a thiwtorialau, gwaith darllen, aseiniadau a chyflwyniadau.
Mae’r Dystysgrif yn rhan o radd Meistr MA Dwyieithrwydd ac Amlieithrwydd.
Modwl 1: Hanfodion Cynllunio Iaith
Ystyried yn feirniadol brif agweddau damcaniaethol y maes cynllunio iaith drwy gyfeirio at ddamcaniaethau a dadansoddiadau perthnasol ac enghreifftiau ymarferol a dynnir o Gymru a thramor, ynghyd â thrafod y prif ddatblygiadau cymdeithasol a gwleidyddol o safbwynt cynllunio iaith yng Nghymru yn ystod yr ugeinfed ganrif a’r unfed ganrif ar hugain.
Modwl 2: Hyrwyddo'r Gymraeg
Archwilio sut yr hyrwyddir y Gymraeg yng Nghymru drwy gynllunio ieithyddol gan astudio’r modd y mae sefydliadau cyhoeddus yn gwneud hynny, beth sy’n eu cymell a pha brosesau ac egwyddorion yr ymwneir â nhw. Archwilir hefyd sut y caiff defnydd o’r Gymraeg ei hyrwyddo gan unigolion a chymunedau Cymraeg ynghyd ag asiantaethau’r wladwriaeth ac eraill.
Cliciwch yma am fwy o wybodaeth neu i wneud cais:
Os hoffech sgwrs am y Dystysgrif, cysylltwch â ni:
Darllewch y datganiad i'r wasg hwn i glywed gan gyn-fyfyrwyr y Dystysgrif:
